काठमाडौं । नेपाल क्रिकेट संघ (क्यान)ले हालै देशका विभिन्न भागमा आएको विनाशकारी बाढी तथा प्राकृतिक विपद्बाट प्रभावित नागरिकको राहत, उद्धार तथा पुन: स्थापनाका लागि ३० लाख रुपैयाँ सहयोग गर्ने भएको छ।
क्यानले उक्त सहयोग रकम प्रधानमन्त्री दैवी प्रकोप उद्धार कोषमा जम्मा गर्ने जनाएको छ।
क्यानले प्राकृतिक विपद्बाट प्रभावित परिवार तथा समुदायप्रति गहिरो दुःख व्यक्त गर्दै कठिन परिस्थितिमा प्रभावित नागरिकको साथमा रहेको जनाएको छ।
उद्धार, राहत तथा पुनः स्थापनाका कार्यमा आवश्यक सहयोग र सहकार्यका लागि क्यान सदैव प्रतिबद्ध रहने सचिव पारस खड्काले जारी गरेको प्रेस विज्ञप्तिमा उल्लेख छ।
