काठमाडौं । भक्तपुरको पिकनिक स्थलनजिक एक व्यक्ति मृत भेटिएका छन् ।
मध्यपुर थिमि नगरपालिका-९ बोडे निलबाराहीस्थित पिकनिक स्पोटको पार्किङ स्थलमा खोटाङको केपिलासगढी गाउँपालिका–२ घर भएका ६६ वर्षीय ओम प्रकाश राई मृत भेटिएका हुन् ।
उनी कबाडीको सामान संकलन गर्ने व्यक्ति रहेको प्रहरीले जनाएको छ । उनको दाहिने कानको छेउ र टाउकामा चोट लागेको पाइएको जिल्ला प्रहरी परिसर भक्तपुरका डीएसपी तथा प्रवक्ता ढुण्डिराज नेउपानेले बताए ।
घटनास्थल आसपास रगत लतपतिएको ढुंगा समेत फेला परेकोले उनको हत्या भएको हुनसक्ने प्रहरीको भनाई छ । शव पोस्टमार्टमका लागि दुवाकोटस्थित केएमसी अपस्ताल पठाइएको छ ।
घटनामा थप अनुसन्धान भईरहेको प्रहरीले जनाएको छ ।
मृत भेटिए
