सैनामैना । रुपन्देहीमा रक्तदान कार्यक्रम हुने भएको छ । जिल्लाको सैनामैना नगरपालिका ६ कलौनी चोकमा बुधबार (भोलि) आकस्मिक रक्तदान कार्यक्रम आयोजना गरिएको हो ।
मानवताको पक्षमा रक्तदान भन्ने नारा सहित कार्यक्रम गर्न लागिएको आयोजक संस्था नेपाल रेडक्रस सोसाइटी लुम्बिनी प्रदेशले जनाएको छ ।
बुधबार बिहान ८ बजेदेखि हुने रक्तदान कार्यक्रममा नेपाल रेडक्रस सोसाइटी रुपन्देहीको प्राविधिक सहयोग, सहरी पूर्व तयारी तथा आपतकालिन प्रतिकार्य प्रवर्द्धन परियोजनाको समन्वय र दुधराक्ष युवा क्लब सैनामैनाको बिशेष सहयोग रहने बताइएको छ ।
