बिर्तामोड । झापाको बिर्तामोड २ मा रहेको ड्रिमल्याण्डको कम्पाउण्डभित्र रहेको स्विमिङ पुलमा डुबेर एकजनाको मृत्यु भएको छ ।
शुक्रबार दिउँसो ३ बजे स्वीमिङ पुलमा बिर्तामोड– ३ बस्ने ३३ वर्षीय प्रकाश प्रसाई र बिर्तामोड– १० बस्ने ३३ वर्षीय केशब शिवाकोटी पौडी खेल्न गएका थिए । पौडी खेल्ने क्रममा प्रसाईको मृत्यु भएको हो । मृतक ओमकार रेडिमिक्स कंक्रिट प्रालिका सञ्चालक हुन् ।
शुक्रबार राति ८ बजे स्वीमिङ पुल सञ्चालकले इलाका प्रहरी कार्यालय बिर्तामोडमा जानकारी गराएपछि प्रहरी टोली पुगि अनुसन्धान भइरहेको जिल्ला प्रहरी कार्यालय झापाले जनाएको छ ।
