सिद्धबाबा क्षेत्रमा खसेको पहिरोले सडक अवरुद्ध,एकजना घाइते

पहिलो आवाज

प्रकाशित मिति : शनिबार, चैत्र २९, २०८१

काठमाडौं । ढुंगासहितको पहिरोका कारण सिद्धार्थ राजमार्ग अवरुद्ध भएको छ। पाल्पाको तिनाउ गाउँपालिका- ३, दोभान सिद्धबाबा क्षेत्रमा खसेको पहिरोले सडक अवरुद्ध भएको हो।

शनिबार बिहान ४ बजेतिर खसको पहिरोका कारण एकजना घाइते भएका छन्। चारजना सवार लुम्बिनी प्रदेश ज ०२७६ नम्बरको कारमा पहिरो खस्दा ५० वर्षीय गणेश गैरे घाइते भएका हुन्। ठूलो ढुंगाले लागेको कार पूर्णरूपमा क्षति पुगेको छ।