भैरहवा, फागुन १३ गते । रुपन्देहीको सिद्धार्थनगर नगरपालिकाका नगर प्रमुख (मेयर) इश्तियाक अहमद खाँले सरसफाईको दिगो व्यवस्थापनको लागी समुदाय एवं जन सहभागिता महत्पुर्ण हुने विचार व्यक्त गरेका छन् । बगंलादेसको राजधानी ढाकामा आयोजित अन्तरदेसिय स्वस्थ्य तथा सरसफाई सम्बन्धी सम्मेलन २०२५ लाई मगंलवार सम्वोधन गर्दै उनले सरसफाइ कार्यक्रम सञ्चालन गर्न जनताको सहभागिता महत्वपूर्ण हुने बताएका हुन ।

‘राम्रो स्वच्छता र उचित फोहोर डिस्पोजललाई प्रोत्साहित गर्दै हामी विद्यालय र छिमेकमा नियमित रूपमा जागरूकता अभियानहरू चलाउँछौँ । उनले भने−समुदाय नेतृत्वको कार्यक्रमहरूले घरपरिवारलाई शौचालय निर्माण र प्रयोग गर्न मद्दत गरेको छ र महिला समूहहरूले सरसफाइ सुविधाहरू कायम राख्न ठूलो भूमिका खेलेको छ । दुवै अनसाइट र अफ–साइट सरसफाइ मूल्य श्रृङ्खलालाई पनि प्राथमिकता दिइन्छ ।’ उनले एसियाका सहरहरू तीव्र गतिमा बढ्दै गएको  सन् २०३० सम्ममा ५५% भन्दा बढी जनसङ्ख्या सहरी क्षेत्रमा बसोबास गर्ने दावि समेत गरे । उनले त्यसवेला उच्च जनसङ्ख्या घनत्व र सहरी विस्तारका साथ, मानव फोहोरको विशाल मात्राको व्यवस्थापन अझ चुनौतीपूर्ण हुँदै जाने बताए । त्यसलाई मध्यनजर गर्दै अहिलेनै स्वास्थ्य एवं सरसफाईको लागी सवैको साझा प्रयासबाट निकर्ष निकाले कार्यानवयनमा जानु पर्ने उनले बताए । उनले अझै पनि, हाम्रा अधिकांश सहरहरूमा, परम्परागत ढल सञ्जालहरूले प्रायः नयाँ वा अनौपचारिक बस्तीहरूलाई सेवा दिन नसकेको उल्लेख गर्दै सरसफाइमा महिला र सुविधाविहीनको सहभागिता पनि दिगो विकासका लक्ष्य ६.२ हासिल गर्न चुनौती बनेको दावी गरे । ‘हाम्रो सहर बढ्दै जाँदा, धेरै सफलताका कथाहरू र अन्य सहरहरू जस्तै हामीले पनि सरसफाइ र फोहोर व्यवस्थापन क्षेत्रमा चुनौतिहरूको सामना गरिरहेका छौं । उनले भने −तर हामी वित्तपोषण सुधार गरेर, समुदायलाई संलग्न गरेर र निजी क्षेत्रसँग काम गरेर प्रगति गरिरहेका छौं ।’ उनले स्थानीय उद्यमीहरूले किफायती पर्यावरण–मैत्री शौचालय र फोहोर–देखि–ऊर्जा परियोजनाहरू जस्ता उत्कृष्ट विचारहरू लिएर आउनु पर्ने पनि बताए  ।